സ്നേഹ സമ്മാനം ഒരുക്കി കൊങ്ങോർപ്പിളളി ഗവ.ഹയർ സെക്കൻഡറി സ്കൂൾ കൊങ്ങോർപ്പിളളി : ക്രിസ്തുമസ് ആഘോഷ ചിലവുകൾ ചുരുക്കി കൊങ്ങോർപ്പിളളി ഗവ.ഹയർ സെക്കൻഡറി സ്കൂൾ വിദ്യാർത്ഥികൾ സ്നേഹ സമ്മാനം ഒരുക്കി. ക്രിസ്തുമസ് ന്യൂ ഇയർ ആഘോഷവേളയിൽ ആവശ്യത്തിലായിരിക്കുന്ന കുടുംബങ്ങൾക്ക് അവശ്യവസ്തുക്കൾ അടക്കുന്ന കിറ്റ് നല്കുന്ന പദ്ധതിയാണ് ''സ്നേഹ സമ്മാനം " വിദ്യാർത്ഥികൾ ഫുഡ് ഫെസ്റ്റ് നടത്തി നേടിയ തുക ഉപയോഗിച്ചും സന്മനസോടെ കൊണ്ടുവന്ന വിഭവങ്ങൾ കൊണ്ടും ആകെ 1000 രൂപാ മൂല്യമുള്ള 20 കിറ്റുകൾ ഒരുക്കിയത്. ജില്ലാ പഞ്ചായത്ത് ഡിവിഷൻ മെമ്പർ യേശുദാസ് പറപ്പള്ളി പദ്ധതി ഉദ്ഘാടനം ചെയ്തു. വിദ്യാർത്ഥികളുടെ നല്ല മാതൃകയെ അദ്ദേഹം അഭിനന്ദിച്ചു. പി ടി എ വൈസ് പ്രസിഡൻ്റ് രമേഷ് പി.കെ അധ്യക്ഷത വഹിച്ചു. പ്രിൻസിപ്പാൾ സുധ എന്ന് ,എസ് എം സി ചെയർ പേഴ്സൺ മീര, പി ടി എ അംഗം ജിമേഷ് പി.സി,സ്കൂൾ ചെയർമാൻ മെൽബിൻ ബിനു, സൗഹൃദ ക്ലബ്ബ് കോ- ഓർഡിനേറ്റർ മനോജ് റ്റി.ബെഞ്ചമിൻ എന്നിവർ ആശംസകൾ അർപ്പിച്ചു. സൗഹൃദ ക്ലബ്ബ്, സ്കൂൾ പാർലമെൻ്റ് സംയുക്തമായാണ് വിഭവ സമാഹരണം നടത്തിയത്.
